TIRANË- Edhe për ditën e sotme vendi ynë pritet të jetë nën ndikimin e motit të paqëndrueshëm. Sipas Meteoalb moti parashikohet i vranët dhe reshje shiu të cilat në orët e para të mëngjesit, deri në mesditë do të jenë me intensitet mesatar e përgjatë ultësirës perëndimore lokalisht deri të lartë.
Më pas reshjet do të jenë me intensitet të ulët dhe mesatar.
Temperaturat e ajrit do të pësojnë rënie të ndjeshme si në vlerat minimale edhe në ato maksimale duke u luhatur nga 10°C vlera minimale deri në 29°C vlera maksimale në rang territori.
Për ditën e mërkurë dhe ditën e enjte rikthehen kthjellimet por edhe alternimet e vranësirave deri të dendura të cilat do të shoqërohen me reshje shiu me intensitet të ulët dhe lokalisht mesatar në formë shtrëngatash.
Për ditën e premte përsëri mot i vranët dhe reshje shiu me intensitet mesatar dhe përgjatë ultësirës perëndimore deri të lartë në formë rrebeshesh dhe stuhi./ZËRI
