FOTO/ U qëllua me thikë në zemër, ky është Dritan Idrizi që u vra në Itali
ITALI- Personi që po shikoni në foto është Dritan Idrizi, 38-vjeçari shqiptar që u vra në Itali pas një sulmi me thikë. Idrizi shkoi në Tavullia për të larë hesapet me një familje shqiptare, që i kishte një borxh prej pesë mijë eurosh. Ai u nis bashkë me dy bashkatdhetarë të tjerë, të cilët ishin armatosur me shkopinj.
Si fillim të dyja palët u përplasën verbalisht dhe më pas, situata duket se doli jashtë kontrollit. Një prej kundërshtarëve që mbante një thikë në dorë e ka qëlluar Idriizn në zemër duke e lënë të vdekur. Deri më tani askush nuk është arrestuar.
Larje hesapesh! Vritet me thikë shqiptari i dënuar për drogë në Itali (EMRI)
ITALI- Dritan Idrizi, ka humbur jetën pas një sulmi me thikë në zemër. Burime për mediat italiane bëjnë me dije se Idrizi kishte shkuar në Tavullia për të larë hesapet me një familje shqiptare, ku i është dashur të mbledhë një borxh prej 5 mijë eurosh për një punë, e cila dyshohet të ketë lidhje me trafikun e drogës.
37-vjeçari i armatosur me shkopinj dhe së bashku me 2 bashkatdhetarë të tjerë, shkoi në shtëpinë e një shqiptari të katërt, por situata duket se ka dalë jashtë kontrollit gjatë përballjes së grupeve. Fillimisht ka qenë një nga anëtarët e grupit të të ndjerit, që ka sulmuar një grua të familjes ku po kërkohej borxhi. Dyshohet se ajo është goditur me çekiç në kokë. Më pas një person i armatosur me thikë ka goditur Idrizin tre herë në gjoks. Askush nuk është arrestuar deri më tani. Policia italiane po punon në lidhje me zbardhjen e ngjarjes dhe kapjen e autorëve.
Përfshirja në trafikun e drogës
Dritan Idrizi alias Dritan Xhepexhiu u arrestua në 5 janar të këtij viti, së bashku me Elion Bejon për trafik droge. Idrizi së bashku me Bejon gjatë periudhës 07.10.2019-26.10.2019, në bashkëpunim me shtetas të tjerë, ka shitur lëndë narkotike heroinë dhe kokainë, në doza, me vlerë rreth 17 mijë euro. Pas arrestimit shqiptarët u ekstraduan në Itali për të vuajtur dënimin./ZËRI
