Përdorimi i qymyrit arriti një nivel rekord në të gjithë botën vitin e kaluar, pavarësisht përpjekjeve për të kaluar në energji të pastër, duke rrezikuar përpjekjet e botës për të frenuar ngrohjen globale.
Pjesa e qymyrit në prodhimin e energjisë elektrike ra ndërsa energjia e rinovueshme u rrit. Por rritja e përgjithshme e kërkesës për energji do të thotë se u përdor më shumë qymyr në përgjithësi, sipas raportit vjetor të Gjendjes së Veprimit Klimatik, shkruan The guardian.
Raporti paraqet një tablo të zymtë mbi përpjekjet për të shmangur pasojat gjithnjë e më të rënda të krizës klimatike. Shumica e vendeve nuk po arrijnë të përmbushin objektivat për uljen e emetimeve të gazeve serrë, të cilat vazhdojnë të rriten, megjithëse me një ritëm më të ngadaltë se në të kaluarën. Për të kufizuar ngrohjen globale në 1.5°C mbi nivelet para-industriale, siç përcaktohet në Marrëveshjen e Parisit për Klimën, bota duhet të arrijë emetime zero deri në vitin 2050.
Nëse bota do të arrijë emetime neto zero të karbonit deri në vitin 2050, me qëllim që të kufizohet ngrohja globale në 1.5 gradë Celsius mbi nivelet paraindustriale, siç përcaktohet në marrëveshjen e Parisit për klimën , atëherë më shumë sektorë duhet të përdorin energji elektrike në vend të naftës, gazit ose lëndëve të tjera djegëse fosile.
Përpjekjet e Trump për të ndaluar projektet e energjisë së rinovueshme dhe për të hequr fondet dhe stimujt për kalimin në burime energjie me karbon të ulët, nuk janë ndjerë ende në formën e emetimeve më të larta të gazrave serrë. Por raporti sugjeroi që këto përpjekje do të kishin një efekt në të ardhmen, megjithëse të tjerët, përfshirë Kinën dhe BE-në, mund ta zbusin ndikimin duke vazhduar të favorizojnë burimet e rinovueshme./ZËRI
