TIRANË- Në 20 vitet e fundit, vlera e pronës është dyfishuar në kryeqytet. Në vitin 2003, një apartament në Tiranë mund të blihej për 600 euro/m2. Në vitin 2019, cmimi mesatar i shitjes së pronës në kryeqytet arriti në 1000 euro m2 dhe me vrullin e madh të ndërtimeve dhe ofertës së lartë në treg, sot cmimi mesatar ka mbërritur në 1200 euro.
Agron Haxhimali, nga instituti për bashkitë e Shqipërisë, i ftuar në emisionin Money në Euronews Albania tha se është rritur çmimi i referencës në Bashkinë Tiranë dhe jo në qarqet e tjera.
“Qytetarët e bashkisë Tiranë, jo të qarkut, dhe jo të bashkive të tjera, do t’i nënshtrohen zbatimit të VKM që ka propozuar ndryshimin e cmimeve kadastrale në 5 njësi adminsitrative. Kjo do të thotë se çmimi i referencës në këto zona është rritur,”- tha ai.
Zhvendosja e popullsisë drejt Tiranës, mundësitë dhe zhvillimi i tregut, kanë prodhuar një realitet të ri demografik, me rreth 1/3 e banorëve të vendit, të cilët punojnë dhe paguajnë taksa e kontribute në kryeqytet. Shumë prej tyre janë pronarë banesash dhe shumë të tjerë, paguajnë qira, e bashkë me to edhe faturat mujore për pronën ku janë strehuar. Taksa e pasurisë së paluajtshme prek edhe njësi të tjera përveç banesave. Shtrirja e saj është kombëtare, por Tirana mban peshën më të madhe në të ardhurat që vjel, të ardhura këto që ndër vite janë rritur në mënyrë të moderuar.
Marrë nga Euronews
