TIRANË- Euro vijon sërish “pikiatën”. Këtë të enjte monedha europiane preku nivelin e saj më të ulët (106 lekë) që prej datë 17 gusht që shkoi në kurfirin e 110 lekëve, pas një rënieje të vrullshme në muajt e verës e që arriti kulmin në korrik ku u këmbye afërisht me 100 lekë.
Kjo jave ka regjistruar një rënie të shpejtë të euros. Sipas agjentëve të tregut valutor, kursi i këmbimit ka zbritur në një ekuilibër ndjeshëm më të ulët këtë vit. Nga njëra anë, kjo i detyrohet prurjeve të larta valutore hyrëse, që kanë rritur ofertën e valutës në treg.
Sezoni turistik këtë vit ka prekur shifra rekord dhe është zgjatur më tej në kohë. Pritshmëritë e operatorëve turistikë janë që hovi i turizmit të vazhdojë edhe vitin e ardhshëm, raporton Monitor.
Sipas ekspertëve, një nga faktorët e pakët që mund të sjellin një forcim të përkohshëm të Lekut mund të jetë shpenzimi i përqendruar i deficitit buxhetor në muajin e fundit të vitit./Zëri.ai
