TIRANË- Administrata Tatimore ka njoftuar fillimin e implementimit të deklaratës së re DIVA 2025, sipas ligjit të Tatimit mbi të Ardhurat, në lidhje me prindërit që kanë fëmijë nën 18 vjeç dhe kompensimin e tyre vjetor me 48 mijë lekë të reja. Drejtoria e Përgjithshme e Tatimeve informon se kjo kontratë i referohet deklarimeve vjetore që familjet me fëmijë nën 18 vjeç do të depozitojnë, duke nisur nga ky vit i të ardhurave dhe deklaratave tatimore.
Deklaratat duhet të depozitohen në fillim të vitit 2026, për të ardhurat e përfituara gjatë 2025. DIVA 2025 pritet që t’i kushtojë shtetit rreth 20 milionë euro në vlerë rimbursimi.
“Kjo deklaratë sjell si risi zbritjet prej 48000 lekë nga baza e tatueshme si kompesim për çdo fëmijë nën 18 vjeç dhe shpenzimet arsimore! Shuma e vlerësuar për rimbursim do të jetë rreth 20 milionë euro. Deklarata do të dorëzohet në fillim të vitit 2026 për të ardhurat e realizuara në vitin 2025”, njofton Drejtoria e Përgjithshme e Tatimeve./ZËRI
