POLONI- Agjentët polakë të sigurisë kanë zbuluar pajisje përgjimi në një dhomë ku ministrat do të takoheshin të martën, thanë autoritetet, pa zbuluar se kush mund t'i kishte vendosur ato atje, shkruan Reuters. Si një qendër për furnizimet ushtarake perëndimore në Ukrainë gjatë luftës më shumë se dyvjeçare me Rusinë, Polonia ka qenë në gatishmëri të shtuar për spiunazh.
“Shërbimi Shtetëror i Mbrojtjes së bashku me Agjencinë e Sigurisë së Brendshme zbuluan dhe çmontuan pajisje të dyshimta në dhomën në Katovicë, ku do të mbahet sot seanca e qeverisë. Këto pajisje mund të përdoren për përgjim”,- tha Jacek Dobrzinski, zëdhënës i koordinatorit të shërbimeve speciale, në platformën X.
Ai nuk komentoi mbi origjinën e pajisjeve, por tha se takimi do të zhvillohej siç ishte planifikuar në orën 10:00. Ministrat do të diskutonin politikën energjetike, duke përfshirë ndalimin e qymyrit dhe një program për të zbutur ndikimin e çmimeve të larta të energjisë elektrike në familje. PSV-ja nisi një hetim për këtë rast./ZËRI
