Xhihadi Islamik Palestinez ka publikuar një video propagandistike ku shfaqet shtetasi izraelit Alexander Sasha Popanov, i cili po mbahet peng në Gaza, sipas Jerusalim Post. Në sekondat e para të videos, Aleksandër Sasha Popanov i drejtohet popullit izraelit si dhe "të gjithë protestuesve". Ai e nis videon duke thënë se “në ditët në vijim do të dëgjoni të vërtetën për atë që më ndodhi mua, si dhe pengjet e tjera në Gaza”.
Al-Quds Brigades sends a message: The Netanyahu government does not want to pay the price... Soon our prisoner, Alexander Turbanov, will speak. pic.twitter.com/k1Y9ITSe2B
— The News Room (@TheNewsRoom0) May 28, 2024
Mesazhi i tij përfundon me deklaratën “prit me durim”. Videoja më pas ndizet mes shkrepjeve të një rakete që lëshohet dhe shfaqen dy figura mashkullore. Videoja prej 30 sekondash është pa datë dhe nuk ka informacion të mëtejshëm për të treguar se kur mund të jetë realizuar. Si Xhihadi Islamik ashtu edhe Hamasi kanë publikuar video të ngjashme pengjesh në të kaluarën, në atë që Izraeli e quan luftë psikologjike sadiste./ZËRI
