SHBA- Rrjeti social “X”, i njohur më mirë si ish-Twitter, së fundi ka pezulluar mundësinë e regjistrimit të përdoruesve që përdorin numrat e telefonit të operatorëve kosovarë. Tashmë, përdoruesit nga territori i Kosovës mund të regjistrohen duke përdorur kodin rajonal të Serbisë. Ky vendim shkaktoi polemika tek përdoruesit, por është e qartë se pronari vendosi të mbështesë standardet zyrtare ndërkombëtare, shkruajnë mediat serbe.
Twitter has removed #Kosovo as a state or at least Kosovo's prefix +383 @TwitterSupport @elonmusk pic.twitter.com/PsTAgAuRU6
— Armend Krasniqi (@Armendi) December 19, 2022
Shumë përdorues u përpoqën të regjistronin llogaritë e tyre të reja duke përdorur numrat e telefonit nga Kosova, por dështuan. Kjo shkaktoi një diskutim për statusin e Kosovës në këtë rrjet social. Përdoruesit kanë vërejtur se Kosova nuk është as në listën e vendeve ekzistuese, ndërsa Serbia është në listën e vendeve të mbështetura.
Kjo situatë e vuri në pah edhe çështjen e statusit të Kosovës, por edhe konfirmoi mbështetjen e pronarit të rrjetit social “X” ndaj njohjeve zyrtare ndërkombëtare. Regjistrimi i përdoruesve me kod rajonal serb është bërë opsioni i vetëm për qytetarët e Kosovës që dëshirojnë t'i bashkohen këtij rrjeti social./ZËRI
