SERBI- Presidenti serb Aleksandër Vuçiç ka deklaruar këtë të mërkurë se zbatimi i Marrëveshjes së Ohrit të nënshkruar me Kosovën mund të jetë kusht për anëtarësimin e Serbisë në Bashkimin Europian. Por më herët Vuçiç është shprehur se Serbia nuk do e njohë kurrë Kosovën.
Marrëveshja e Ohrit parasheh që Serbia t’i njohë simbolet shtetërore të Kosovës, nuk e kundërshton anëtarësimin e Kosovës në organizata ndërkombëtare dhe palët e respektojnë integritetin dhe sovranitetin territorial të njëra-tjetrës. Por kjo duket se është një pikë e panegociueshme për Beogradin.
Deklaratat e Vuçiç vijnë pak ditë para zgjedhjeve parlamentare në Serbo (17 dhjetor), ku duket se partia e tij nuk është në pozita fort të favorshme pas protestave që “shpërthyen” në vend lidhur me sigurinë./ZËRI
