MEKSIKË- Një kryebashkiak në Meksikë ka rënë pre e një atentati, që i mori jetën, teksa ishte duke ngrënë drekë bashkë me djalin e tij të mitur, vetëm 14-vjeç. Viktimë ka mbetur Guillermo Torres, kryetari i bashkisë së Churumuco-s, ndërsa ngjarja ka ndodhur në qytetin Morelia të shtetit Michoacán.
39-vjeçari mbeti i vdekur në vend, ndërsa djali i mbeti gjithashtu i plagosur si pasojë e të shtënave me armë.
La terca realidad.
— César Cabrera (@Ces_Cabrera_) March 31, 2024
Esta noche fue asesinado Guillermo Torres Rojas, alcalde Churumuco, Michoacán.
Fue atacado a tiros al interior de una taquería en el pleno centro de Morelia, Michoacán, en compañía de su hijo menor.
(1/3) pic.twitter.com/OMZ8QfkKiC
Torres u zgjodh kryebashkiak në vitin 2022, me ngjyrat e Partisë Revolucionare Institucionale (PRI), por ai së fundmi u largua nga ky fraksion dhe u bë pjesë e partisë qeveritare MORENA.
Vrasja ka ndodhur në mes të fushatës përpara zgjedhjeve të përgjithshme të 2 qershorit, në të cilat rreth 20,000 zyra lokale, shtetërore dhe federale presin drejtuesit e rinj, duke përfshirë presidencën dhe të gjitha vendet në të dy dhomat e Kongresit.
Vihet re se nga fillimi i qershorit 2023 deri më 26 mars 2024, të paktën 50 persona, përfshirë shtatë gra, janë vrarë në incidente të dhunshme të lidhura me zgjedhjet, 26 prej të cilëve ishin pjesë e garës.
