ITALI- Nënsekretari i Trashëgimisë Kulturore Vittorio Sgarbi po hetohet nga Prokuroria e Macerata për vjedhje të pasurisë kulturore. Hetimi lidhet me një pikturë që i atribuohet Rutilio Manetti-t, e vjedhur nga Kështjella e Buriasco-s në 2013, e cila është rishfaqur në Lucca në vitin 2021 si "e pazbuluar më parë" dhe në pronësi të Vittorio Sgarbit.
Vetë Sgarbi ka hedhur poshtë çdo pretendim, shkruan tgcom. Ai shprehet se piktura e Rutilio Manetti "është e tija" dhe "pishtari ka qenë gjithmonë atje" ndërsa ajo e vjedhur nga Buriasco "është një kopje e keqe".
'Nuk kam marrë asnjë njoftim hetimi. Nuk di si mund të hetohem për një vjedhje që nuk e kam bërë. Dhe për një krim të kryer 11 vite më parë, në rrethana të pazbardhura. Nga hetuesit në atë kohë Ky lajm tregon një shkelje të qartë të sekretit të hetimit, krimi i vetëm për të cilin ka prova”,-tha Sgarbi.
Prokuroria Imperia, e cila në vitin 2023 hetoi nënsekretarin për eksportin jashtë vendit të një pikture të konsideruar të paligjshme, u përcolli hetuesve të Macerata dokumentet e marra nga Karabinierët e Njësisë së Mbrojtjes së Trashëgimisë Kulturore në dhjetor, pasi çështja kishte dalë pas një lidhjeje të përbashkët me hetimin nga Il Fatto Quotidiano dhe Report.
Publikimi i këtij rasti mund t’i kushtojë Vittorio Sgarbit postin që mban. Lëvizja '5 Yjet' ka nisur ndërkohë punën për largimin e tij. Në Senat pritet të paraqitet një mocion për Sgarbin, ndërsa kryeministres Meloni i është dërguar një letër me të cilën i kërkohet masë për zyrtarin që “ka cenuar nderin e institucioneve”./ZËRI
