SHBA- Zëvendëspresidenti amerikan JD Vance mbrojti negociatat mes presidentit republikan Donald Trump me homologun e tij rus, Vladimir Putin, i cili lajmëroi se fundi i luftës Rusi-Ukrainë është afër. Por, Vance nuk i kurseu kritikat dhe sulmoi ashpër Evropën në fjalimin e tij në në Konferencën e Sigurisë në Mynih.
"Si do ta përfundoni luftën nëse nuk flisni me Rusinë? Unë me të vërtetë besoj se jemi në pragun e paqes në Evropë për herë të parë në tre vitet e fundit”, tha Vance.
Në fjalën e tij ai sërish sulmoi Evropën, duke thënë se SHBA-ja padyshim do të vazhdojë të ketë aleanca me Evropën, por theksoi se beson se forca e këtyre aleancave do të varet nëse shoqëritë e këtyre vendeve po ecin në “drejtimin e duhur”. Sipas tij, kërcënimi më i madh me të cilin përballet Evropa është emigrimi i paligjshëm, duke thënë se njerëzit në mbarë botën duhet të kenë të drejtë të flasin kundër emigrantëve./ZËRI
