BERLIN-UASHINGTON- Bashkëdrejtuesi i partisë së ekstremit të djathtë të Gjermanisë Alternativa për Gjermaninë (AfD) do të marrë pjesë në inaugurimin e presidentit të zgjedhur të SHBA-së, Donald Trump, më 20 janar, vetëm një muaj para zgjedhjeve federale të Gjermanisë, njoftoi partia më herët të enjten.
Ftesa për Tino Hroupalas erdhi pas miratimit të aleatit të Trump, Elon Musk për AfD-në dhe bisedës që njeriu më i pasur në botë pati me bashkë-drejtuesen e AfD-së Alice Weidel në platformën e rrjeteve sociale X.
Debati ka nxitur shqetësimin për ambicien e miliarderit amerikan për të ndikuar në politikën evropiane.
Shumica e sondazheve e vendosin AfD -në kundër imigracionit në vendin e dytë pas konservatorëve para zgjedhjeve të 23 shkurtit në ekonominë më të madhe të Evropës. Megjithatë, dy partitë e mëdha janë zotuar se nuk do të bashkëpunojnë me AfD, e cila po monitorohet nga shërbimet gjermane të sigurisë me dyshimin se është e djathtë ekstreme. /ZËRI
