WASHINGTON- Presidenti i SHBA-së, Donald Trump, deklaroi sot se beson që udhëheqësi rus, Vladimir Putin, mund të jetë duke e ndihmuar Iranin në luftën e tij kundër SHBA-së dhe Izraelit. Trump e bëri këtë deklaratë gjatë një interviste në “Fox News”.
“A mendoni se Putini po i ndihmon ata?” e pyeti gazetari, të cilit Trump iu përgjigj: “Po, mendoj se ai po i ndihmon pak.”
“Ndoshta… dhe ai ndoshta mendon se ne po e ndihmojmë Ukrainën, apo jo?” shtoi Trump.
Presidenti amerikan foli gjithashtu për mundësinë e rënies së regjimit në Iran, duke thënë se është një kërcënim për njerëzit. Më tej, Trump u shpreh se rënia e regjimit do të ndodhë, por jo menjëherë.
"Unë me të vërtetë mendoj se është një pengesë e madhe për njerëzit që nuk kanë armë. Mendoj se është një pengesë shumë e madhe... Do të ndodhë, por ndoshta jo menjëherë."
SHBA-të dhe Izraeli nisën atë që e përshkruan si një sulm parandalues kundër Iranit më 28 shkurt, duke pretenduar se Teherani po zhvillonte një armë bërthamore dhe po paraqiste një kërcënim - një akuzë që Irani e ka mohuar. Në përgjigje, Irani nisi kundërsulme, duke qëlluar raketa dhe dronë drejt Izraelit, si dhe ndaj aseteve amerikane dhe objektivave të tjera në të gjithë Lindjen e Mesme./ZËRI
