SHBA- Presidenti amerikan Donald Trump mblodhi kabinetin e tij sot për të paraqitur iniciativat e tyre të fundit dhe për t'iu përgjigjur pyetjeve të gazetarëve. Gjatë diskutimit me gazetarët rreth Rusisë, Trump nisi një sulm të ashpër ndaj Vladimir Putinit, duke thënë se nuk është i kënaqur me të. Madje shtoi se nuk i pëlqen që Putini "po vret shumë njerëz", si ushtarë rusë, ashtu edhe ukrainas.
Presidenti amerikan nuk hezitoi të përdorte gjuhë të ashpër, duke deklaruar: Putin po thotë shumë budallallëqe. Pastaj me ironi shtoi se: Presidenti rus është gjithmonë i sjellshëm, por në fund të fundit nuk ka rëndësi. Kur u pyet nëse planifikonte të ndërmerrte veprime kundër Putinit, Trump u përgjigj në mënyrë misterioze: Nuk ua them, duke e lënë mundësinë e hapur për të bërë aludime.
Megjithatë, ai pranoi se lufta "ka rezultuar më e ashpër" nga sa kishin parashikuar fillimisht amerikanët. Kur u pyet nëse donte sanksione të mëtejshme kundër Rusisë, ai u përgjigj: Po e shqyrtoj.
Mesa duket Trump ka ndryshuarmendim, pasi gjatë fushatës së tij zgjedhore, ai vazhdimisht pretendonte se mund ta përfundonte luftën në Ukrainë brenda një dite - diçka që në praktikë ka rezultuar e vështirë./ZËRI
