SHBA-Presidenti Donald Trump deklaroi se “lufta në Iran po ecën me ritëm të shpejtë”. Trump tha se një raund i dytë negociatash ballë për ballë midis amerikanëve dhe zyrtarëve iranianë mund të zhvillohet në fundjavën e ardhshme.
“Duhet të mbarojë shumë shpejt”, tha Trump në një aktivitet në Las Vegas, duke përsëritur parashikime të ngjashme optimiste për fundin e luftës që ai ka bërë që kur Shtetet e Bashkuara dhe Izraeli nisën sulmet ndaj Iranit në fund të shkurtit.
“Ishte perfekte. Është perfekte. Ishte fuqia që kemi. Ne kishim ushtrinë më të fuqishme kudo në botë.”-tha Trump.
Ndërkohë Presidenti Donald Trump, i bëri thirrje Hezbollahut, grupit militant të mbështetur nga Irani në jug të Libanit, që të respektojë armëpushimin me Izraelin që ka hyrë në fuqi.
