SHBA- Vendimi i një gjykate të Kolorados se Donald Trump nuk ishte i përshtatshëm për të kandiduar për president për shkak të veprimeve të tij përpara sulmit të 6 janarit në Kapitol, u rrëzua nga Gjykata e Lartë federale të hënën, duke i dhënë një fund të shpejtë një çështjeje me implikime të mëdha për vitin 2024. Vendimi i sotëm i Gjykatës së Lartë thotë se Gjykata e Kolorados kishte supozuar gabimisht se shtetet mund të përcaktojnë nëse një kandidat presidencial është i papërshtatshëm sipas një dispozite të amendamentit të 14-të të Kushtetutës.
Vendimi e bën të qartë se Kongresi, jo Shtetet, duhet të vendosin rregulla për mënyrën sesi mund të zbatohet dispozita e Amendamentit të 14-të. Vendimi vjen vetëm një ditë para zgjedhjeve paraprake në Kolorado.
Përveç sigurimit që Trump të mbetet në fletën e votimit në Kolorado, vendimi ka të ngjarë të ndikojë në raste të ngjashme që kanë lindur. Deri më tani dy shtete të tjera, Maine dhe Illinois, kanë ndjekur shembullin e Kolorados./ZËRI
