Bota

Trump e cilëson Biden si “presidenti më i keq në historinë e Amerikës”

Trump, i njohur për favorizimin e tarifave të larta të importit, bëri thirrje gjithashtu për ndryshime të politikës ekonomike, duke sugjeruar një kthim të ligjeve të tij për tarifat.

I.F
Trump e cilëson Biden si “presidenti më i keq në
Joe Biden dhe Donald Trump

UASHINGTON- Presidenti i zgjedhur i SHBA-së, Donald Trump, e ka quajtur Joe Biden “presidentin më të keq në historinë e Amerikës” në një seri postimesh në median sociale, duke kritikuar politikat e administratës aktuale.

“Joe Biden është presidenti më i keq në historinë e Amerikës, një katastrofë totale”, shkroi Trump, duke shtuar se veprimet e Bidenit dhe ato të “bandave të tij që ndërhyjnë në zgjedhje” nuk do të harrohen.

Ai shënjestroi veçanërisht politikat kufitare të Bidenit, duke pretenduar se ato çuan në rritje të kërcënimeve të sigurisë. “Vendi ynë është një katastrofë, një objekt talljeje në gjithë botën. Kjo është ajo që ndodh kur keni kufij të hapur”, postoi Trump.

Trump, i njohur për favorizimin e tarifave të larta të importit, bëri thirrje gjithashtu për ndryshime të politikës ekonomike, duke sugjeruar një kthim të ligjeve të tij për tarifat.

“Tarifat dhe vetëm tarifat krijuan këtë pasuri të madhe për vendin tonë. Ta bëjmë amerikën të pasur përsëri”, shkroi ai.

Duke paralajmëruar atë që ai e quajti “erozion i dhunshëm i sigurisë kombëtare dhe demokracisë”, Trump premtoi t’i adresojë këto çështje pas marrjes së detyrës më 20 janar.

“Vetëm forca dhe lidershipi i fuqishëm do ta ndalojnë. Shihemi më 20 janar”, shkroi ai, duke iu referuar datës së inaugurimit presidencial. /ZËRI

Poll

MOS HUMB