PAPUA GUINEA E RE- Të paktën 16 persona kanë vdekur pas trazirave të mëdha që goditën kryeqytetin e Papua Guinesë së Re, Port Moresby. Ndërkohë kryeministri i Papua Guinesë së Re, James Marape shpalli gjendjen e jashtëzakonshme në vend dhe pezulloi zyrtarët e qeverisë dhe policisë pas trazirave.
Trazira, zjarrvënie dhe plaçkitje shpërthyen në kryeqytetin Port Moresby të mërkurën pasi qindra policë, ushtarë, personel burgu dhe nëpunës civilë dolën në grevë për të protestuar ndaj shkurtimeve të pagave. Ushtria është vendosur për të rivendosur rendin dhe ndërsa shumica e trazirave u shuan.
VIDEO: Buildings burn and looters target shops around Papua New Guinea's capital after a pay dispute involving the nation's security forces sparked angry protests.
— AFP News Agency (@AFP) January 11, 2024
Soldiers, police officers and prison staff staged a lively but peaceful protest in the morning of January 10,… pic.twitter.com/VkYU6eNwVI
Qeveria e Papua Guinesë së Re shpjegoi se ulja e pagave ishte shkaktuar nga një problem administrativ. Kryeministri James Marape tha se deri në rreth 100 dollarë (78 £) ishin zbritur nga çeqet e pagave të nëpunësve publikë për shkak të një defekti kompjuterik dhe qeveria nuk po rriste taksat siç pretendohej nga disa protestues./ZËRI
