SHBA- Gjashtë të burgosur në shtetin e Nju Jorkut kanë kërkuar nga një gjykatë amerikane që të ndërhyjë për të urdhëruar autoritetet e burgut që t'i lejojnë ata të hyjnë në një oborr për të parë eklipsin e plotë diellor të së hënës, me argumentin se liria e tyre fetare përndryshe do të cenohej.
Mbrëmjen e së hënës, 8 prill, një eklips total pritet të përshkojë Amerikën e Veriut, një fenomen i rrallë që ka shkaktuar emocione të mëdha në SHBA. Të përballur me refuzimin kategorik të administratës së burgut, ata depozituan kërkesën e tyre në gjykatën federale.
"Secili vuri në dukje bindjet e tyre fetare të mbajtura thellë se eklipsi diellor i prillit është një ngjarje fetare që duhet vëzhguar," thuhet në padi.
Të gjithë ata "do të shohin të shkelur të drejtat e tyre kushtetuese për të ushtruar besimin e tyre" nëse Departamenti i Korrigjimeve të Shtetit të Nju Jorkut nuk e anulon vendimin e tij për të ndaluar të gjithë aksesin jashtë qelisë të hënën nga ora 14:00 deri në orën 17:00 sipas kohës lokale, ora e saktë e eklipsin, theksojnë të burgosurit.
Nismëtari i protestës, i cili po intensifikon nismat pas janarit për të parë eklipsin, deklaron veten ateist, por në të njëjtën kohë dallon në këtë fenomen astronomik "një ngjarje me rëndësi të madhe fetare". Një paditës musliman citon pasazhe nga tekstet e shenjta, dy të krishterë citojnë një fragment nga Bibla që flet për një eklips, një tjetër pretendon se është besimtar i fesë Santeria, nga Karaibet.
Ndalimi i daljes në oborr gjatë eklipsit justifikohet për arsye "sigurie", theksoi administrata e burgut në një njoftim për shtyp, duke shtuar se do të shpërndahen syze speciale për oficerët korrektues dhe të burgosurit që dëshirojnë të shikojnë qiellin nga qelia./ZËRI
