IRLANDË- LinkedIn është gjobitur me 310 milionë euro (rreth 335 milionë dollarë) për shkelje të privatësisë së përdoruesve.
Dënimi është vendosur nga Komisioni Irlandez për Mbrojtjen e të Dhënave (DPC) dhe i referohet përpunimit të të dhënave të përdoruesve, pa bazë ligjore të vlefshme.
Sipas mediave të huaja, DPC zbuloi se LinkedIn përdorte të dhënat e përdoruesve për të targetuar reklamat që do ju shfaqte pa transparencën dhe informacionin e duhur të përdoruesit.
Kjo gjobë është më e madhja që LinkedIn ka marrë deri më tani në Evropë dhe Microsoft, pronari i kompanisë, më parë ka paralajmëruar investitorët për mundësinë e këtij sanksioni.
Çështja kundër LinkedIn filloi në Francë në vitin 2018, pas një ankese nga organizata La Quadrature Du Net. Pas gati gjashtë vitesh hetimi, vendimi u mor përfundimisht në korrik 2024 dhe kompanisë iu dhanë tre muaj kohë për të sjellë operacionet e saj në Evropë./ ZËRI
