UASHINGTON- Jo vetëm fyerje dhe vulgaritet, në Uashington, republikanët po studiojnë me kujdes, dhe me ankth, "efektin Kamala". Analistët nga qendrat konservatore të studimit shkëmbejnë mendime dhe krahasojnë skenarët e mundshëm.
Disa prej tyre janë veçanërisht të motivuar: ata shpresojnë të marrin një vend në administratën e ardhshme të Trump, natyrisht nëse ai fiton zgjedhjet e nëntorit. Një prej tyre është Stephen Dewey, themelues i trendeve GeoFinancial dhe administrator i shoqërisë Bastiat, instituti amerikan për kërkime ekonomike.
Dewey punoi për 40 vjet në burokracinë federale, duke u marrë me aktivitete rregullatore. Tani ai është pjesë, ndër të tjera, në ekipin e fondacionit Heritage që përgatiti "Project 2025", një program qeveritar hiper-konservator për qeverinë e ardhshme të Donald Trump.
Ish-zyrtari pranon se Kamala Harris do të jetë një kundërshtare më e ashpër se Biden. Nuk është vetëm çështja e moshës. Harris mund të ndërtojë një bllok votimi në nivel social, duke mobilizuar gratë, të rinjtë, afrikano-amerikanët dhe nga pikëpamja gjeografike, duke e kthyer në demokrat veriun industrial të vendit, i cili tani dukej se ishte pushtuar nga republikanët.
Të njëjtin mendim ndan edhe Marc Wheat, drejtor i Advancing American Freedom, një institut kërkimi i krijuar nga ish-zëvendëspresidenti Mike Pence.
Stafi i Kamalës tashmë është vonë dhe prandaj do të përpiqet të angazhojë mbi të gjitha sindikatat, pra të vetmet organizata që kanë aftësi për të mobilizuar shpejt votuesit. Kjo është arsyeja pse ka shumë gjasa që Harris të zgjedhë si zëvendës të saj dikë që ka qenë në dialog me drejtuesit e sindikatave për disa kohë, një figurë si guvernatori i Pensilvanisë, Josh Shapiro, për shembull. Dhe në fakt, disa ditë më parë Kamala ishte në Hjuston, në konventën vjetore të Federatës Amerikane të Mësuesve, me 1.7 milionë mësues të regjistruar në shkollat fillore dhe të mesme.
Por ka një pasazh që shqetëson veçanërisht "inteligjencën" republikane. Kamala Harris vjen nga drejtësia e Kalifornisë, ku ajo u dallua për ashpërsinë e saj kundër krimit. Prandaj, mund të prezantohej në mënyrë të besueshme si garantuesi më i mirë i sigurisë dhe të depërtonte në klasën e mesme urbane të Amerikës më të thellë, në rajonet e Midëest ose Jugut, me pak fjalë, një konkurrent i frikshëm në një nga terrenet të cilët janë mbështetësit më të zjarrtë të Trump.
Këshilltarët e "think tanks" dhe mediat e krahut të djathtë, si Fox News, po i sugjerojnë udhëheqjes së Trump të prishin imazhin e Kamala. Vërtetë, në të kaluarën, kur ajo ishte në zyrën e prokurorit të San Franciskos, ajo arriti sukses. Por së fundmi ajo ka ndryshuar krejtësisht qëndrim. Pothuajse të gjithë republikanët kujtojnë se Kamala ndihmoi financiarisht disa aktivistë të akuzuar për krime të rënda, në periferi të demonstratave që përfshinë vendin pasi një polic vrau afrikano-amerikanin George Floyd në vitin 2020.
Fjala kryesore e republikanëve është: Harris është bërë një ekstremiste, një radikale, madje edhe "një marksiste".
A do të mjaftojë kjo strategji për të bllokuar ngritjen e Kamalës?
"Do të duhet shumë më tepër", tha Grover Norquist, themeluesi i amerikanëve për reformën tatimore, një nga grupet më me ndikim në Uashington. Për më tepër, ai është i vetmi që ka kontribuar vërtet në politikat e administratës së parë Trump, me reformën tatimore të 2017-ës, Norquist thotë se ne duhet të demaskojmë planin ekonomik të partisë Demokratike, domethënë idenë e kthimi në vitet '30 ose '60, duke krijuar një mjedis armiqësor ndaj botës prodhuese të mbytur nga taksat e larta dhe fuqia e tepruar e sindikatave. Rezultati, sipas Norquist, do të ishte rënia e mëtejshme e Veriut industrial, me migrimin e bizneseve dhe kapitalit në Jug, ku qeveris Partia Republikane. Një argument që do të përdoret për të bindur qytetarët e Pensilvanisë, Miçiganit, Ëisconsin (shtetet kyçe për rezultatin e zgjedhjeve) të votojnë për Trump. /ZËRI/
