SHBA- Stuhitë e ashpra kanë goditur për katër ditë zona të gjera të Jugperëndimit dhe Jugut të SHBA-së, duke shkaktuar qindra tornado, shira të dendur dhe përmbytje historike që kishin marrë të paktën 16 jetë që nga mbrëmja e të shtunës.
Që nga ora 19:30 të shtunën, më shumë se 250,000 shtëpi dhe biznese humbën energjinë në pesë shtete të SHBA për shkak të motit të ashpër, treguan të dhënat nga poweroutage.com.
Që nga e mërkura, kur tornadot dhe përmbytjet filluan të përfshinin pjesë të shteteve të Midwest dhe jugut, 10 njerëz kanë vdekur në Tenesi, dy në Kentaki dhe Misuri, ndërsa Arkansas dhe Indiana raportuan secila nga një viktimë, sipas raporteve lokale.
Midis viktimave ishte një 5-vjeçar në Arkansas, një 9-vjeçar në Kentaki dhe një burrë 57-vjeçar nga Misuri.
Që nga e mërkura, disa pjesë të Kentakit kanë pasur më shumë se 30 centimetra shi, duke lënë qindra rrugë të mbyllura për shkak të përmbytjeve dhe rrëshqitjeve të dheut. Të shtunën, qytetet Butler dhe Falmouth në Kentakin verior iu nënshtruan evakuimeve të detyrueshme.
Sipas një raporti nga weather.com, shiu në vetëm pesë ditët e prillit përputhej me mesataren për të gjithë muajin në Indiana qendrore.
Të shtunën në mbrëmje, një tornado u konfirmua në Misisipin verior, ndërsa tornado të tjera u raportuan në Tenesi.
