GAZA - Zhvillimi i operacionit tokësor në territorin e Rripit të Gazës është kapur nga hartat satelitore të publikuara, nga New York Times me Jerusalem Post. Mjetet e blinduara izraelite kanë hyrë në një thellësi prej 5 km në Gaza.
Sipas raporteve, tanket e forcave të armatosura izraelite kanë arritur në zonën Al-Bahr në Gaza, një rrugë kryesore që kalon përmes Rripit të Gazës, nga plazhi në Jabalia.
Bazuar në fotot satelitore, qendra për ushtrinë izraelite është kryqëzimi i rrugëve Bar dhe Rashid, me këtë të fundit që fillon rreth një kilometër në jug të kufirit me Izraelin dhe më pas shkon drejt portit të Gazës.
Hartat tregojnë më qartë se ku janë vendosur tanket e ushtrisë izraelite.
"Imazhet satelitore të marra të hënën në mëngjes tregojnë përparimin e ushtrisë izraelite në veri të Gazës. Me qindra automjete janë tashmë në periferinë e qytetit të Gazës, ku zonat janë të banuara", shkruan New York Times.
Siç vënë në dukje mediat e huaja, fotot janë tregues, se Izraeli po përparon ngadalë në Gaza, por po ecën me siguri në rrugët e qytetit.
Të njëjtat fotografi tregojnë shumë banesa, që janë dëmtuar, si pasojë e raketave, që ka hedhur Izraeli në Gazë.
קולות קשר של חיל האוויר במהלך תקיפות ברצועת עזה: pic.twitter.com/ImshtsLJD4
— דובר צה״ל דניאל הגרי - Daniel Hagari (@IDFSpokesperson) October 31, 2023
Luftime të ashpra në Gaza
Të martën në mëngjes, zëdhënësi i ushtrisë izraelite, Daniel Hagari publikoi imazhe të reja të luftimeve që po zhvillohen në periferi të Gazës, midis forcave të armatosura izraelite dhe personave të armatosur të Hamasit.
Në videon e postuar në X, përfaqësuesi i Forcave të Armatosura të Izraelit tha se u zhvilluan shumë beteja me pjesëtarë të Hamasit, që lëshuan raketa antitank dhe breshëri mitralozi. Ushtria e Izraelit pretendon se po shkatërron infrastrukturën e grupit militant palestinez.
במהלך פעילויות הכוחות הקרקעיים, הכוחות ניהלו מספר קרבות עם חוליות מחבלים שירו לעבר הכוחות טילי נ"ט או מקלעים.
— דובר צה״ל דניאל הגרי - Daniel Hagari (@IDFSpokesperson) October 31, 2023
הכוחות חיסלו מחבלים והכווינו כוחות אווירים על מנת להשמיד מטרות ותשתיות טרור בזמן אמת. pic.twitter.com/OIPTxYJ3kp
Hamasi sulmoi Izraelin, ndërsa përgjigja ishte e menjëhershme. Më tepër se 9800 njerëz kanë vdekur, nga sulmet e të dyja palëve./Zëri.ai/
