Dhjetra palestinezë u vranë ose u plagosën në një sulm izraelit sot që goditi çadrat e njerëzve të zhvendosur në qytetin Khan Younis në Rripin e Gazës, siç raportohet nga zyra e shtypit e Hamasit. Ministria e Shëndetësisë në Gaza konfirmon se të paktën 71 palestinezë u vranë dhe 289 të tjerë u plagosën në sulmin e sotëm izraelit.
Sulmi ndodhi në zonën Al Mawasi dhe video nga zona e bombardimit janë publikuar në rrjetet sociale. Al Jazeera raportoi më herët se më shumë se 50 persona u vranë sot, ndërsa sqaroi se qindra palestinezë të zhvendosur ishin strehuar në zonë gjatë muajve të fundit.
Al Jazeera reported that following Israeli air strikes on Mawasi, southwest of Khan Younis city, an Israeli quadcopter fired directly at civil defence teams and ambulances that had arrived to assist casualties. This resulted in injuries, some serious. pic.twitter.com/LUXSsMs8x8
— Middle East Eye (@MiddleEastEye) July 13, 2024
Radio Ushtria e Izraelit raportoi se forcat ushtarake izraelite shënjestruan një udhëheqës ushtarak të Hamasit në një bastisje në Khan Younis. Deklarata nuk specifikon nëse shefi ushtarak i Hamasit, Mohammed Daif është vrarë.
Ministria e Shëndetësisë në Gaza njoftoi se 20 trupa dhe 90 të plagosur u sollën në spitalin Nasser në Khan Younis. Në këtë njoftim nuk përmendet numri përfundimtar i viktimave që janë trajtuar në objektet tjera mjekësore./ZËRI
