UASHINGTON- Donald Trump ka nënshkruar dy urdhra ekzekutiv për të tërhequr SHBA-në nga këshilli i OKB-së për të drejtat e njeriut dhe për të ndaluar financimin e ardhshëm për agjencinë e OKB-së për refugjatët palestinezë (UNRWA) dhe nga financimi i UNESCO-s. Financimi amerikan për UNRWA u pezullua në vitin 2024 gjatë administratës së Joe Biden, pasi Izraeli akuzoi disa punonjës të UNRWA për pjesëmarrje në sulmet e Hamasit më 7 tetor 2023. Në këtë dekret specifik, SHBA-ja deklaroi se do të rishikojë financimin e OKB-së në përgjithësi nga e para.
Ky vendim u mor pak para vizitës së kryeministrit izraelit në SHBA, Benjamin Netanyahu. Një sërë hetimesh, përfshirë një të udhëhequr nga ish-ministrja e jashtme franceze Catherine Colonna, zbuluan disa “çështje të lidhura me neutralitetin” brenda UNRWA, por theksuan se Izraeli nuk kishte ofruar prova për akuzën kryesore.
Administrata e parë e Trump ndërpreu financimin për këtë agjenci në vitin 2018, përpara se administrata e Biden ta rifillonte atë në vitin 2021. Administrata e parë e Trump gjithashtu tërhoqi SHBA-në nga këshilli i OKB-së për të drejtat e njeriut në vitin 2018, ndërsa administrata e Biden e ribashkoi tre vite më vonë./ZËRI
