Organizata Botërore e Shëndetësisë (OBSH) ka dhënë alarmin pasi numri i të vdekurve nga virusi misterioz që është shfaqur në Nigeri është rritur. Në fillim të kësaj jave, u raportua se qeveria nigeriane kishte konfirmuar se katër persona kishin vdekur dhe "fëmijët janë në rrezik" në Zamfara pas një beteje të gjatë me një sëmundje të panjohur. Megjithatë, vetëm dy ditë më vonë u konfirmua se 13 persona, fëmijë dhe gra, kishin vdekur dhe se më shumë se 500 të tjerë janë konfirmuar të infektuar.
Burimi i shpërthimit është konfirmuar gjithashtu se është nga fshati Tsibiri. Zyrtarët lokalë shprehen se situate po del jashtë kontrollit.
"Sëmundja duket se po përhapet, raste po shfaqen në zonat fqinje, nuk e dimë se si mund të përmbahet”, thane ata.
Dr Aisha Anka, ministrja shtetërore e shëndetësisë, konfirmoi vdekjet në një deklaratë për shtypin më herët dhe gjithashtu ndau detaje të sëmundjes dhe simptomave që çuan në vdekje. Ënjtja e barkut, zmadhimi i mëlçisë dhe shpretkës, ethet dhe dobësia e përgjithshme e trupit u regjistruan të gjitha si simptoma të sëmundjes që besohet se po përhapet në Nigeri.
Dr Anka më vonë konfirmoi se sëmundja ishte përhapur në tre fshatra me sëmundjen e zbuluar në Maradun, Shinkafi dhe Gusau. Rastet i kanë konfirmuar edhe autoritetet lokale. Qendra Kombëtare për Kontrollin e Sëmundjeve është njoftuar për rastet dhe vdekjet e përditësuara dhe një fazë e reagimit emergjent është duke u zhvilluar për të përmirësuar numrin në rritje të infeksioneve./ZËRI
