DAMASK- Flamuri i rebelëve sirianë u valëvit sot në ambasadën e vendit në Moskë, një ditë pasi Rusia i dha azil presidentit të rrëzuar Bashar al-Assad dhe familjes së tij "për arsye humanitare". Flamuri i ngritur mbi ambasadë nga anëtarët e diasporës siriane është veçanërisht simbolik duke pasur parasysh se presidenti rus Vladimir Putin ka mbështetur fuqishëm regjimin e Asadit që nga fillimi i luftës civile në Siri 13 vjet më parë, dhe në vjeshtën e 2015 dërgoi mijëra ushtarë që penguan rrëzimin e Assad.
Zëdhënësi i Putinit, Dmitry Peskov tha sot se kreu i Kremlinit e ka marrë personalisht vendimin për t'i dhënë azil Assadit dhe familjes së tij.
Po ashtu, zëdhënësi i Kremlinit nuk tha se kur u takuan për herë të fundit Putin dhe Assad, por shtoi se nuk kanë plane të afërta për dhe tha se nuk kanë plane të takohen në të ardhmen e afërt. Sipas Peskov, Rusia është e gatshme të mbajë kontakte me "ata që do të jenë në pushtet në Siri".
Ky është një qëndrim i ri pasi autoritetet ruse deri më tani i kanë quajtur ekskluzivisht xhihadistët dhe islamistët ,që ishin në ballë të rebelimit kundër Asadit si "terroristë"./ZËRI
Ku do t'i kaloni pushimet për këtë verë?
-
Në Shqipëri
-
Do udhëtoj jashtë vendit
-
Jam i/e pavendosur
-
Nuk do të bëj fare pushime
