HAGË- Ka nisur protesta në Hagë në mbështetje të ish-krerëve të Ushtrisë Çlirimtare të Kosovës, në ditën kur pritet shpallja e aktgjykimit ndaj tyre.Qytetarë të shumtë janë mbledhur në Hagë, duke sjellë me vete flamuj të Kosovës dhe pankarta me mesazhe në mbështetje të ish-pjesëtarëve të UÇK-së.
Në mesin e pankartave bien në sy mesazhe si “Kosova pret çlirimtarët”, ndërsa qytetarët kanë nisur të mblidhen përpara zhvillimeve të pritshme në Gjykatën Speciale.Protesta është paralajmëruar të nisë në orën 20:00 dhe pritet që në të të marrin pjesë qytetarë nga Kosova dhe shqiptarë të ardhur nga vende të ndryshme.
Tubimi zhvillohet në një ditë të rëndësishme për procesin gjyqësor ndaj ish-krerëve të UÇK-së, ndërsa mbështetësit e tyre kërkojnë drejtësi dhe kthimin e tyre në Kosovë.Atmosfera në Hagë është shoqëruar me flamuj, pankarta dhe thirrje në mbështetje të çlirimtarëve, ndërsa qytetarët vijojnë të mblidhen në pritje të zhvillimeve të mëtejshme./ZERI
