INDONEZI- Turistët e huaj tani duhet të paguajnë një taksë prej 150,000 rupiah (7,60 £; 9,60 dollarë) për të hyrë në Bali, një nga destinacionet turistike më të njohura në botë. Autoritetet indoneziane thonë se kjo taksë e re për turistët ka për qëllim mbrojtjen e mjedisit dhe kulturës së ishullit.
Të dhënat zyrtare tregojnë se pothuajse 4.8 milionë turistë vizituan Balin midis janarit dhe nëntorit të vitit të kaluar.
Taksa turistike, e cila u shpall për herë të parë vitin e kaluar, hyri në fuqi nga sot- Dita e Shën Valentinit. Ajo do të zbatohet për turistët e huaj që hyjnë në provincë nga jashtë ose pjesë të tjera të vendit. Udhëtarëve u kërkohet të paguajnë para mbërritjes, përmes faqes së internetit Love Bali.
Turizmi kontribuoi rreth 60% në PBB-në vjetore të Balit para pandemisë.
Sipas byrosë së statistikave të provincës, Australia ishte kontribuuesi më i madh i turistëve të huaj në Bali në nëntor 2023 me më shumë se 100,000 të ardhur. Kjo u pasua nga turistë nga India, Kina dhe Singapori. Por turistët që sillen keq në Bali kanë zemëruar vendasit vitet e fundit. Marsin e kaluar, një burrë rus u dëbua nga Bali pasi u zhvesh në malin Agung, që hindut besojnë se ishte shtëpia e perëndive./ZËRI
