SHBA- Projektligji mbi ndihmat e huaja me vlerë 95 miliardë dollarë, i miratuar nga Senati këtë muaj, mbetet i bllokuar nga shumica republikane në Dhomën e Përfaqësuesve, duke rrezikuar ndihmën prej 60 miliardë dollarësh për Ukrainën, shkruajnë mediat e huaja.
Presidenti amerikan Joe Biden paralajmëroi udhëheqësit e lartë të Kongresit në bisedimet me aksione të larta në Shtëpinë e Bardhë për koston "e tmerrshme" të dështimit për të zhbllokuar ndihmën ushtarake për Ukrainën.
"Për Ukrainën, mendoj se nevoja është urgjente," tha Biden në Zyrën Ovale, duke shtuar se "pasoja e mosveprimit çdo ditë në Ukrainë është e tmerrshme".
Kryetari i Dhomës së Përfaqësuesve Mike Johnson thotë se nuk do ta hedhë për votim projektligjin mbi ndihmat e huaja prej 95 miliardë dollarësh, i cili përfshinë 14 miliardë dollarë për Izraelin, 60 miliardë dollarë për Ukrainën dhe 4.8 miliardë për partnerët në rajonin e Indo-Paqësorit, përfshirë Tajvanin, për të luftuar agresionin kinez, para se të merren masa për përmirësimin e situatës në kufirin SHBA-Meksikë./ZËRI
