BRUKSEL- Përfaqësuesja e Lartë e Bashkimit Europian për Politikën e Jashtme, Kaja Kallas, ka zhvilluara takime me kryeministrin e Kosovës, Albin Kurti, dhe presidentin e Serbisë, Aleksandar Vuçiç, me fokus te dialogu dhe normalizimi i marrëdhënieve mes Prishtinës dhe Beogradit.
Përmes një postimi në 'X', Kallas ka ndarë pamje nga takimi, duke theksuar se normalizimi i marrëdhënieve dhe avancimi i Kosovës e Serbisë në rrugën drejt BE-së duhet të ecin paralelisht.
Kallas ka deklaruar se BE-ja do të vijojë të luajë rolin e ndërmjetësit, teksa thekson se zbatimi i marrëveshjeve nuk duhet parë si një favor ndaj Brukselit, por si një detyrim ndaj qytetarëve të Kosovës dhe Serbisë dhe ndaj rajonit.
Postimi i plotë i Kallas:
Sot u takova me Presidentin Vuçiç dhe Kryeministrin Kurti, ku ngrita nevojën për të çuar përpara normalizimin e marrëdhënieve mes Beogradit dhe Prishtinës.
Përparimi në normalizimin e marrëdhënieve dhe avancimi në rrugën drejt BE-së duhet të ecin paralelisht.
Marrëveshjet e arritura përmes Dialogut të ndërmjetësuar nga BE-ja, veçanërisht Marrëveshja e Ohrit, janë detyruese.
Zbatimi i tyre nuk është një favor ndaj Brukselit, por një detyrim ndaj qytetarëve të tyre dhe ndaj një rajoni që pret marrëdhënie normale.
BE-ja do të vazhdojë të jetë një ndërmjetëse e paanshme. Por ndërmjetësimi nuk mund ta zëvendësojë vullnetin politik në Beograd dhe Prishtinë.
Është koha për të ecur përpara.
I met today with President Vučić and Prime Minister Kurti, and raised the need to advance the normalisation of relations between Belgrade and Pristina. Progress on normalisation of relations and advancement on the EU path have to go hand in hand. The agreements reached through the EU-facilitated Dialogue, in particular the Ohrid Agreement, are binding. Their implementation is not a favour to Brussels but owed to their citizens and a region waiting for normal relations. The EU will continue to be an even-handed arbitrator. But facilitation cannot substitute for political will in Belgrade and Pristina. It is time to move forward.
— Kaja Kallas (@kajakallas) September 22, 2026
