BRITANI E MADHE – Policia e Edinburg në Skoci ka nxjerrë urdhër ndalime për tetë persona (5 në Skoci dhe 3 në Angli) , të moshës nga 20 deri 41 vjeç. Ata janë shtetas rumunë, bullgarë dhe shqiptarë. Të dyshuarit jetonin në banesa sociale, por shisnin drogë në mbarë Skocinë, por dhe më gjerë. Operacioni u koordinua nga Londra dhe 8 kontrolle u kryen në Edinburg (Skoci) dhe 2 kontrolle në Londër (Angli).
Pas kontrolleve, policia sekuestroi kokainë me vlerë 225 000 £ dhe 30 000 £ para të gatshme. Pesë nga të dyshuarit u vunë në pranga dhe u dërguan para gjyqtarëve në Gjykatën Sherif të Edinburgut. Ata akuzohen për krime të ndryshme të trafikut të drogës dhe shkelje të ligjit të emigracionit.
Sipas informacioneve zyrtare të siguruara nga gazetarët skocezë, grupi kriminal përbëhej nga shtetas me origjinë shqiptare dhe rumune. 5 të dyshuarit nga Skocia u lanë në paraburgim. Të arrestuarit janë: Ioan Chis (22 vjeç – shtetas rumun, nga qarku Maramureş), Vasile Vlad (20 vjeç – shtetas rumun, nga qarku Maramureş), Hamit Morina (28 vjeç – shqiptar), Indrit Gaxha 23 vjeç) dhe Floriand Omeri (33 vjeç – shqiptar). Para gjykatësve të gjykatës, individët u deklaruan fajtorë.
“Ne jemi të përkushtuar të identifikojmë të gjithë zinxhirin e furnizimit për të ndaluar të gjithë ata që po dëmtojnë komunitetin tonë duke sjellë drogë në Edinburg. Aktivitete të tilla si ky operacion ndërkufitar na kanë treguar se ne mund të punojmë shumë mirë me kolegët tanë në komunitetet lokale, por edhe me oficerët e policisë në Skoci dhe Angli. Ky rast na tregoi se trafiku i drogës dhe krimi nuk kanë kufij.
Komunitetet lokale nuk duhet të tolerojnë dëmet e shkaktuara nga shpërndarja e drogës dhe përdorimi i drogës dhe unë do t'i bëj thirrje kujtdo që ka informacion që mund të na ndihmojë të nxjerrim përgjegjësit para drejtësisë. I bëj thirrje të gjithë publikut që të thërrasin policinë në mënyrë konfidenciale në numrin 101 ose të telefonojnë CrimeStoppers në mënyrë anonime në 0800555111", tha detektivi Ian Ramsay./Zëri.ai/
