UKRAINË- Sekretari amerikan i Shtetit Antony Blinken ka luajtur me kitarë këngën Rockin' in the Free World të Neil Young në një bar të quajtur Diktat në udhëtimin e tij të papritur në Kiev. Kënga u publikua nga Neil Young në 1989 pasi një koncert i planifikuar në Bashkimin Sovjetik u anulua.
Para se të fillonte të luante, Blinken i tha të pranishmëve: "Duhet ta dini, Shtetet e Bashkuara janë me ju, aq shumë bota është me ju dhe ata po luftojnë, jo vetëm për një Ukrainë të lirë, por për botën e lirë. Dhe bota e lirë është gjithashtu me ju."
Ndërkohë, sekretari amerikan i Shtetit Antony Blinken ka thënë se presidenti rus Vladimir Putin duhet të paguajë për të rindërtuar atë që ka shkatërruar në Ukrainë. Blinken tha se Uashingtoni ka fuqinë për të “bllokuar” asetet ruse në SHBA dhe do t’i përdorë ato për të ndihmuar në rindërtimin e Ukrainës. Ai tha gjithashtu se Ukraina po afrohet më shumë me NATO-n./ZËRI
