BJELLORUSI- Udhëheqësi i Bjellorusisë, Alexander Lukashenko, ka thënë se do të kandidojë sërish për presidencën në vitin 2025, njoftoi sot agjencia shtetërore e lajmeve bjelloruse BelTA.
"Thuaju atyre (opozitës jashtë vendit) se unë do të jem kandidat," u tha Lukashenko gazetarëve në një qendër votimi pasi hodhi votën e tij në zgjedhjet parlamentare dhe lokale të Bjellorusisë sot.
"Askush, asnjë president përgjegjës nuk do të braktiste njerëzit e tij që e ndoqën atë në betejë," shtoi ai.
Lukashenko, 69 vjeç, ka udhëhequr Bjellorusinë që nga viti 1994 dhe është një nga aleatët më të ngushtë të presidentit rus Vladimir Putin.
“Kemi edhe një vit deri në zgjedhjet presidenciale. Shumë mund të ndryshojnë”, vuri në dukje ai gjithashtu në përgjigje të pyetjes së një gazetari pas deklaratave të tij, sipas BelTA.
“Sigurisht që unë dhe të gjithë ne, shoqëria, do të reagojmë ndaj ndryshimeve që do të ndodhin në shoqërinë tonë dhe situatës në të cilën do t'i afrohemi zgjedhjeve brenda një viti”, përfundoi Lukashenko./ZËRI
