IRAN- Të dhënat aktuale sugjerojnë se fluturimet komerciale po vazhdojnë të shmangin hapësirën ajrore mbi Iranin, Irakun, Sirinë, Jordaninë dhe Libanin. BBC shkruan se aeroportet në rajon po paralajmërojnë për ndërprerje të mundshme, por shumica e fluturimeve duket se po operojnë sipas planit.
Më shumë se 120 fluturime janë vonuar në aeroportin e Dubait, ndërsa më shumë se 40% e të gjitha fluturimeve janë anuluar në Aeroportin Ndërkombëtar Queen Alia të Jordanisë, në kryeqytetin Aman.
United Airlines ka pezulluar fluturimet për në Dubai deri më 3 korrik dhe për në Tel Aviv deri më 1 gusht.
Gjatë fundjavës, British Airways pezulloi fluturimet për në Dubai dhe kryeqytetin e Katarit, Doha, deri të martën.
Por në një përditësim, linja ajrore tha: “Fluturimet tona për në Dubai dhe Doha janë planifikuar të operojnë normalisht dhe ekipet tona vazhdojnë ta mbajnë situatën nën vëzhgim.”
