IZRAEL- Forcat izraelite pretendojnë se kanë sulmuar shtëpinë e një lideri të lartë të Hamasit, Ismail Haniyeh, në Gaza. Shtëpia e Haniyeh ishte "përdorur si infrastrukturë terroriste dhe shpesh shërbeu si pikë takimi për liderët e lartë të Hamasit për të drejtuar sulmet terroriste kundër civilëve izraelitë dhe ushtarëve të IDF.
Në një postim në X, Forcat e Mbrojtjes së Izraelit thanë se përdorën avionë luftarakë të mërkurën mbrëma për të goditur shtëpinë e kreut të byrosë politike. Ushtarët izraelitë gjithashtu kishin shkatërruar një depo armësh të forcave detare të Hamasit, që përmbante pajisje zhytjeje, pajisje shpërthyese dhe armë.
חטיבת האש 215 באוגדה 162 תקפה הלילה באמצעות מטוסי קרב את ביתו של איסמעיל הנייה, ראש הלשכה המדינית של ארגון הטרור חמאס ששימש כתשתית טרור ובין היתר כמקום מפגש עבור בכירי הארגון>> pic.twitter.com/eCwd4lmrFF
— צבא ההגנה לישראל (@idfonline) November 16, 2023
Haniyeh, i konsideruar si udhëheqësi i përgjithshëm i grupit militant, ka jetuar në Katar për disa vite. Haniyeh u zgjodh si udhëheqës i Hamasit në vitin 2017 dhe ka kontrolluar kryesisht aktivitetet politike të grupit të tij nga jashtë Gazës. Ai ishte krahu i djathtë i themeluesit të Hamasit, Sheikh Ahmed Yassin, në Gaza përpara se kleriku të vritej në vitin 2004. Haniyeh u emërua kryeministër palestinez në vitin 2006 nga presidenti Mahmud Abbas, por u shkarkua një vit më vonë pasi grupi rrëzoi partinë e Abbasit Fatah nga Rripi i Gazës në një javë dhune vdekjeprurëse. Ai e hodhi poshtë shkarkimin e tij si "jokushtetues", duke theksuar se qeveria e tij "nuk do të heqë dorë nga përgjegjësitë e saj kombëtare ndaj popullit palestinez" dhe vazhdoi të sundojë në Gaza.
