SHBA- Burri që i vuri flakën vetes jashtë gjykatës në Manhattan, ku po mbahej gjyqi i ish-presidentit Donald Trump, ka vdekur. Maxwell Azzarello, 37 vjeç, u lye me benzinë përpara se t’i vinte flakën vetes së tij. Ngjarja ndodhi kur përfundoi përzgjedhja e jurisë për gjyqin e zotit Trump.
Ai u dërgua në spital të premten në gjendje kritike, ku më vonë vdiq, konfirmoi CBS News - partneri i BBC-së në SHBA. Trump ishte në ndërtesë për të marrë pjesë në përzgjedhjen e jurisë, por më pas në në kuadër të sigurisë, ai u largua gjatë incidentit.
Hetuesit e identifikuan viktimën si Maxwell Azzarello, 37 vjeç, i cili kishte mbërritur në Nju Jork nga shtëpia e tij në Florida diku javën e kaluar. Ai nuk kishte precedentë penalë në Nju Jork dhe familja e tij në Florida nuk ishte në dijeni se ai kishte udhëtuar në qytet.
Shefi i policisë së Nju Jorkut, Jeffrey Maddrey, tha se zoti Azzarello u pa "duke lëvizur" në park përpara se të futej në një qese për lëngun e ndezshëm dhe pamflete. Nuk dihet ende nëse Azzarello ishte në mbështetje apo kundër Donald Trump.
Jashtë gjykatës kishte një prani të madhe të oficerëve të policisë, të cilët dhanë ndihmën e parë.
Azzarello u transportua me barelë, trupi i tij u dogj shumë. Policia tha se ai u dërgua në spital në qendrën e djegieve në gjendje kritike. Dëshmitarët e skenës thanë se ngjarja ndodhi shumë shpejt, vetëm për 20 sekondam dhe ata e kuptuan me vështirësi atë që po ndodhte.
Tre oficerë të NYPD dhe një oficer i gjykatës pësuan lëndime të lehta pasi ndihmuan në shuarjen e flakëve.
Zyrtarët thanë se tani do të rivlerësojnë sigurinë jashtë gjykatës./ZËRI
