VATIKAN- Teksa lufta mes Rusisë dhe Ukrainës vijon prej dy vitesh, Papa Françesku ka habitur me zgjidhjen e tij për ti dhënë fund konfliktit. Papa Françesku deklaroi se Ukraina duhet të gjejë guxim dhe, siç tha ai, të ngrejë një “flamur të bardhë” dhe të negociojë me Rusinë për t’i dhënë fund luftës. Papa tha se në një konflikt, pala humbëse duhet të gjejë guximin ta pranojë atë dhe të pranojë negociatat, raportoi Reuters.
“Unë besoj se më i fortë është ai që e sheh situatën, ai që mendon për njerëzit, ai që ka guximin të ngrejë flamurin e bardhë dhe të negociojë”, tha Papa muajin e kaluar në një intervistë me shërbimin publik zviceran RSI.
Papa shtoi se negociatat po zhvillohen me ndihmën e fuqive ndërkombëtare dhe se duhet pasur guxim për të negociuar, kur “gjërat shkojnë keq”. Ai deklaroi se “ka shumë që duan të veprojnë si ndërmjetës, veçanërisht Turqia”./ZËRI
