SHBA- Një gjykatës federal ka hedhur poshtë akzuat e ngritura për korrupsion ndaj kryetarit të bashkisë së New Yorkut, Eric Adams. Ai vendosi që çështja për korrupsion të mos ngrihet sërish.
Gjyqtari Dale Ho, vendosi se nuk mund të vijojë më ndjekjen penale, ndërsa ky vendim çdoi në dorëheqjen masive të disa zyrtarëve të Gjykatës së New Yorkut, përfshirë prokuroren e përkohshme të Distriktit Jugor të New Yorkut dhe disa prokurorë kryesorë të çështjeve të korrupsionit publik.
Adams, i cili kadidon sërish këtë vit, akuzohej për ryshfet, mashtrim dhe konspiracion. Prokurorët pretendonin se ai kishte marrë përfitime luksoze nga një zyrtar turk në këmbim të ndikimit të tij për të lejuar hapjen e një ndërtese konsullore turke në New York. Kryebashkiaku e kishte mohuar çdo akuzë, duke u shprehur se ishte i pafajshëm.
Vendimi i gjykatës u mirëprit nga avokati i Adams, Alex Spiro, i cili deklaroi se çështja nuk duhej të ishte ngritur fare. Ndërkohë, përfaqësues të DOJ mbrojtën tërheqjen e akuzave, duke e quajtur çështjen një humbje kohe dhe një shembull të përdorimit politik të drejtësisë. Kryebashkiaku i New Yorkut është i lirë nga akuzat dhe mund të kandidojë sërish./ZËRI
