BRITANI- Kensington Palace ka publikuar foton e parë zyrtare të Kate Middleton që nga operacioni që ajo iu nënshtrua në janar. Fotoja, sipas BBC, është bërë javën e kaluar në Windsor dhe tregon Princeshën e Uellsit duke buzëqeshur për kamerën pranë tre fëmijëve të saj. Fotoja është publikuar në llogarinë zyrtare të Princit dhe Princeshës së Uellsit në Instagram dhe e shoqëruar me një mesazh.
“Faleminderit për urimet tuaja të mira dhe mbështetjen e vazhdueshme gjatë dy muajve të fundit. Duke ju uruar të gjithëve ditën e nënës”, shkruhej në mbishkrimin e postimit.
View this post on Instagram
Kensington Palace njoftoi më 17 janar se Kate ishte në spital për një operacion të planifikuar abdominal dhe nuk do të mund të kthehej në detyrat publike para Pashkëve. Nuk kishte asnjë njoftim publik para operacionit dhe natyra e operacionit nuk u sqarua. Megjithatë, menjëherë më pas u bë e ditur se operacioni ishte i suksesshëm. Ajo qëndroi në spital për t'u shëruar për 13 ditë përpara se të kthehej në shtëpi me perspektivën për të mbetur në shërim deri në Pashkë në fund të marsit./ZËRI
