SHBA-Ish-presidenti amerikan Donald Trump ka hedhur poshtë aludimet se ai fle gjatë seancës gjyqësore. Ka pasur spekulime të forta që nga fillimi i gjyqit muajin e kaluar nëse ish-presidenti ka dremitur në sallën e gjyqit në Manhatan, shkruajnë mediat e huaja.
"Në kundërshtim me mediat e lajmeve të rreme, nuk më zë gjumi gjatë gjyqit. Unë thjesht mbyll sytë e mi të bukur blu, ndonjëherë, dëgjoj me vëmendje dhe i përpunoj të gjitha”, u shpreh Trump, gjatë një pushimi në gjyqin e Gjykatës së Lartë të Manhatanit.
Çdo pretendim se Trump “fjetur” ka një rëndësi të madhe gjatë zgjedhjeve presidenciale të 2024, duke qenë se Trump e ka quajtur presidentin Joe Biden “Sleepy Joe” prej vitesh. Trump duhet të ulet në gjykatë çdo ditë të gjyqit, i cili pritet të zgjasë gjashtë javë. Demokratët kanë përdorur përgjumjen e dukshme të Trump për të sulmuar ish-presidentin.
"Nëse Trump është shumë i vjetër dhe i dobët për të qëndruar zgjuar në gjyqin e tij penal, çfarë mendoni se do të ndodhë në Sallën Operative?" tha më parë Dan Pfeiffer, ish-këshilltar i lartë i Barack Obamës.
Pagesa prej 130,000 dollarësh për Daniels në veçanti është në qendër të gjyqit penal historik në Gjykatën e Lartë të Manhatanit, ku Trump akuzohet për 34 akuza për falsifikimin e të dhënave të biznesit./ZËRI
