KOSOVË – Deputetja e Britanisë së Madhe, Alicia Kearns, ka kujtuar se sot, 27 tetor, janë bërë një muaj, që kur Milan Radoiçiç dhe një grup serbësh të armatosur qëlluan mbi Policinë e Kosovës.
Kearns ka vizituar edhe familjen e heroit të Kosovës, Afrim Bunjaku, i cili u vra nga grupi i armatosur serb. Ajo shprehet se pas një muaji të ngjarjes së rëndë, Radoiçiç endet i lirë në Serbi.
“Ka një muaj që Radoiçiç ka pranuar se ka qenë pjesë e grupit, që ka shtënë mbi Policinë e Kosovës. Por, sërish ai është i lirë në Serbi, duke mos dhënë asnjë lloj llogarie, për atë që ka bërë”, shkruan ajo.
It is now a month since Radoičić admitted guilt for the paramilitary attack on Kosovo with Belgrade provided weapons.
— Alicia Kearns MP (@aliciakearns) October 27, 2023
Yet he remains free in Serbia.
With no accountability for Belgrade’s role.
I’ve seen the weapons, and I’ve met Afrim Bunjaku’s family - they deserve justice. https://t.co/BB3qz9dU7K pic.twitter.com/t2vmmCg0SS
Më 24 shtator, në Banjskë të Zveçanit, një grup i armatosur serbësh, sulmuan Policinë e Kosovës.
Nga sulmi, u vra rreshteri Afrim Bunjaku. Grupi nuk pranoi që të dorëzohet dhe policia vrau 3 agresorë./Zëri.ai/
