RIAD- SHBA dhe Rusia zhvillun prej 12 orësh bisedime në Arabinë Saudite për të arritur një armëpushim në Ukrainë. Një anëtar i ekipit negociues të Rusisë tha se bisedimet ishin “intensive”, por të dobishme.
“Ne biseduam për gjithçka, ishte një dialog intensiv, jo i lehtë, por shumë i dobishëm për ne dhe për amerikanët. Shumë probleme u shtjelluan”, tha Grigory Karasin.
Karasin, i cili për kohë të gjatë ishte zëvendësministër i Jashtëm i Rusisë, tha se bisedimet SHBA-Rusi do të vazhdojnë dhe se Kombet e Bashkuara dhe vendet e tjera do të përfshihen në to. Ai nuk tha hollësi rreth kësaj. Gjatë takimit, u diskutua për të arritur edhe një Marrëveshje në Detin e Zi, për transportin e grurit. Ndërsa, presidenti rus, Vladimir Putin, dërgoi një dhuratë për homologun e tij amerikan Donald Trump. Detaje rreth takimit ende nuk janë bërë të ditura, por pritet që së shpejti të dy vendet të japin një deklaratë rreth diskutimeve./ZËRI
