SHBA-Planet e luftës në një grup mesazhesh në aplikacionin “Signal” kanë hapur një diskutim në Shtëpinë e Bardhë. Zëvendëspresidenti JD Vance, shefja e stafit Susie Wiles dhe zyrtari i lartë i personelit Sergio Gor i ofruan Presidentit Donald Trump disa këshilla në një takim privat.
Përfshirja aksidentale e një gazetari në bisedë nga Këshilltari i Sigurisë Kombëtare, Mike Waltz, ka bërë që këtij të fundit t'i tregohet dera. Trump ra dakord që Waltz kishte bërë një gabim, por ai nuk do ta pushonte nga puna, sepse nuk donte t'u jepte "fitore" kundërshtarëve të tij politikë, shkruajnë mediat e huaja.
Mesazhet përmbanin informacione të detajuara mbi objektivat e sulmeve, armët që do të përdorte ushtria amerikane dhe komandën e operacioneve. Pjesë e grupit në Signal ishin figura të rëndësishme të administratës, përfshirë Sekretarin e Mbrojtjes Pete Hegseth, Nënpresidentin JD Vance, Sekretarin e Shtetit Marco Rubio, Drejtoren e Inteligjencës Kombëtare Tulsi Gabbard, si dhe Këshilltarin e Sigurisë Kombëtare Mike Waltz./ZËRI
