SHBA- Kompania amerikan, Amazon, njoftoi të hënën se do ta nisë një program falas për trajnimin e njerëzve se si ta përdorin inteligjencës artificiale (AI). Nisma e re vjen pasi Amazon njoftoi për lëshimin e programit “AI Ready”, apo “Gati për AI”, i cili do të ofrojë trajnim për zhvillimin e aftësive dhe arsimim për dy milionë njerëz në gjithë botën deri në vitin 2025.
“Inteligjenca artificiale është teknologjia më transformuese e gjeneratës sonë. Nëse duam ta zhbllokojmë potencialin e plotë të inteligjencës artificiale për t’i luftuar telashet më sfiduese të botës, atëherë ne duhet ta bëjmë edukimin për AI të qasshëm për të gjithë që duan të mësojnë. Synimi i [programit] ‘Gati për AI’ është të ndihmojë për ta bërë edukimin për AI të barabartë për të gjithë, me mbështetjen e nismave të reja që po i bëjmë sot”,- tha Swami Sivasubramanian, zëvendëspresident për të dhëna dhe AI në Amazon.
Tre iniciativat e reja janë:
-Tetë kurse të reja dhe falas të AI dhe gjeneruese të AI.
-Bursa gjeneruese e AI për Shërbimet e Uebit të Amazon (AWS), që u siguron më shumë se 50,000 studentëve të shkollave të mesme dhe universiteteve në mbarë botën qasje në një kurs të ri gjenerues të AI mbi Udacity.
-Bashkëpunim i ri me Code.org i krijuar për të ndihmuar studentët të mësojnë rreth AI gjeneruese.
Kompania amerikane tha se synimi i saj është ta bëjë inteligjencën artificiale të qasshme për këdo që dëshiron të mësojë.
