TURQI- Një sulm i armatosur ka ndodhur para gjykatës Çaglayan në Stamboll. Në sulmin e armatosur terrorist u neutralizuan dy sulmues. Të plagosur kanë mbetur 6 persona, mes të cilëve 3 policë. Hyrjet dhe daljet në gjykatë u mbyllën.
Në vendngjarje janë nisur shumë ekipe policore dhe mjekësore. Në deklaratën e tij lidhur me sulmin terrorist, ministri Yerlikaya tha se autorët e sulmit kanë qenë pjesë të organizatave terroriste.
Në postimin e tij në lidhje me sulmin, ministri i Punëve të Brendshme Ali Yerlikaya tha: "Sot u zhvillua një tentativë për sulm terrorist në postbllokun përballë portës C të gjykatës Çaglayan. U konstatua se tradhtarët që u neutralizuan, ishin anëtarë të organizatës terroriste DHKP/C”.
Ndërkohë që ministri i Drejtësisë Yılmaz Tunç shkroi si më poshtë:
"Dënoj ashpër sulmin e armatosur në pikën e sigurisë përballë Gjykatës së Çaglayanit të Stambollit. Dëshiroj të falënderoj policët tanë heroikë që parandaluan sulmin tradhtar dhe neutralizuan dy të dyshuarit. I uroj shërim të shpejtë policëve dhe qytetarëve tanë të lënduar nga sulmi. Hetimi gjyqësor i nisur nga Kryeprokuroria jonë e Stambollit lidhur me ngjarjen vazhdon në shumë aspekte".
/ZËRI
