VLORË-Një çift italian është grabitur ditën e sotme në Vlorë. Mësohet se çifti kishte parkuar makinën e tyre tip 'Audi' në zonën e Lungomares dhe në këtë moment disa persona i kanë grabitur.
Autorët kanë thyer xhamin e pasagjerit duke grabitur 2500 € dhe të gjithë dokumentacioni dhe sendet me vlerë. Në vendin e ngjarjes ka mbërritur policia bashkë me grupin hetimor, ndërsa mësohet se janë marrë në pyetje dhe persona që mund të kenë qenë dëshmitarë.
“Sot, në lagjen “Uji i Ftohtë”, dyshohet se një shtetas, ka thyer xhamin e një automjeti të ndaluar, në rrugë dhe ka vjedhur një çantë me sende personale dhe portofolin e dy shtetasve italian. Menjëherë është bërë shoqërimi i disa personave të dyshuar dhe vijon puna për zbardhjen e plotë të ngjarjes. Materialet iu referuan Prokurorive, për veprime të mëtejshme”, njofton Policia
/ZËRI
