KOLUMBI- Disa trafikantë shqiptare morën "në dorë" një sektor ekskluziv të Bogotas për të mbajtur një "samit trafiku droge" që do të kishte për qëllim eliminimin e ndërmjetësve për blerjen dhe shpërndarjen e drogave të paligjshme në vende të ndryshme të Evropës.
Sipas mediave të huaja, trafikantët e drogës u takuan në veri të kryeqytetit kolumbian, për të mbyllur marrëveshje me aleatë të ndryshëm. Falë infiltrimit të një prej hetuesve të Dijín, u identifikuan disa bosë të huaj, si Besnik Nokilli, alias Niko ose 'El Gordo'; shqiptari Lirio Ajazi, i njohur ndryshe si Mario, ose polaki Jacek Dawid. Në fakt, pasi takimi përfundoi dhe të gjithë u kthyen në vendet e tyre të fshehta, autoritetet ndoqën me kujdes hapat e tyre, gjë që çoi në kapjen e "El Gordo" në Santa Marta, pasi ai bëri gabim në lëvizje pasi mori me qira një klub nate për të festuar ardhjen e një të dërgesave të drogës në Evropë.
Hetuesit ranë dakord se më i pakapshmi nga të gjithë bosat e drogës ishte Lirio Ajazi. Sipas të dhënave, ky person ka arritur t'i shpëtojë ekipit të inteligjencës, duke humbur gjurmët e tij. Megjithatë, i infiltruari ishte në gjendje të identifikonte gruan e re që e shoqëronte gjatë gjithë kohës, me origjinë nga Jamundí, e ishte pikërisht ajo që e "tradhëtoi" shqiptarin duke e vendosur në pranga.
Pa e kuptuar, autoritetet monitoruan rrjetet sociale të gruas, tek të cilat publikonte vizitat e saj në restorante luksoze, dyqane të markave të njohura, apo dhe ditët e pushimit me partnerin e saj. Kështu kanë mundur ta gjejnë dhe ta vendosin në pranga. Siç përcaktohet nga autoritetet, Mario ishte drejtuesi i rrjetit kryesor të transportit të kokainës dhe heroinës drejt Shqipërisë.
Një tjetër nga bosët 'e padukshëm' që mori pjesë në 'samitin e trafikut të drogës' ishte polaku Jacek Dawid, i cili gjithashtu u 'tradhtua' nga e dashura e tij. Autoritetet zbuluan se ai ishte vendosur në Cali falë videove të partneres së tij në Tiktok.
Sipas autoriteteve, në këtë "samit" të paligjshëm morën pjesë trafikantë droge të kombësive spanjolle, meksikane, shqiptare, meksikane, madje edhe honduras , për këtë arsye vazhdojnë të gjurmojnë vendndodhjet e tyre për t'i vendosur në pranga.
Ndërsa të arrestuarit janë në proces ekstradimi drejt Europës./Zëri.ai
